Errazetak

By di da on Iraila 24, 2009

Eneko Atxaren Errazetak

di-da komunikakzioa

Eneko Atxa sukaldari ezaguna eta ona da. Ez dugu ezer berririk esaten horrela.

  • Eneko Atxa trebea da sukaldean, jakiak prestatzen, txukun erakusten.
  • Eneko Atxa gaztea da eta gogoa darie bere asmo eta emaitzei. Michelin izar bat edo plater gozoenarekin lotzen dugu gure sukaldaria.
  • Eneko Atxa gazteenekin aritu da oraingoan. Jolasean, olgetan. Umeekin euskaraz eta sukaldean.
  • Andoni Lupiañezekin batera Errazetak izeneko umeentzako liburua atondu du.
  • Umeekin jolasean aritzeko errezetak, ipuinak, trukoak eta ezusteko gehiago.


    • Argazkiak.org | sudurra © cc-by-sa: errazetak

    Liburu batean bilduak, erabiltzeko, zikintzeko, berriz txukundu eta hurrengoan pentsatzeko.

Sukaldea garrantzitsua da gure bizitzan, gure ohituretan. Bizitzeko ez ezik, elikatzeko, egoteko eta  jakiteko baliatu ditugu sutondoko kontuak. Orain ere antzera gabiltza, sukaldeko kontuekin umeei gauza berriak egiten erakutsi gura diegu, barre egiten, jolas egiten, gure produktuak ezagutzen, gure ohiturak zabaltzen…

    Umeak eta sukaldaritza euskaraz

    Ikasteko adinean daude txikienak. Sukaldea ere eskola ederra da gurean. Horretaz badakite gura ama eta amamek. Gure arbasoek bezala gure ondorengoek. Argazki kamera, irudimena eta sukaldari onen laguntzaz osatu dugu lan hau, liburu hau. Etxeko gazteenek jolas dezaten, jan dezaten, egin dezaten. Euskarazko errezeta liburua da Errazetak. Belaunaldiz belaunaldi jaso ditugunak, molde berriz eskaintzen ditugu orain, kolorez jantziak, irudimenez ornituak, baina platererako prest.

    Posted in aurkezpena, di-da, errazetak | Tagged , , , , , , | Erantzun 1

    Foccus azokan aurkeztu da Errazetak liburua

    By di da on Urria 7, 2009


    Argazkiak.org | Eneko Atxa umeekin © cc-by-sa: errazetak
    Ume sukaldariak ondoan zituela, Eneko Atxak entsalada berezi bat prestatu du lehenengo eta behin BECeko areto berezi batean.
    Errazetak liburua aurkezteko Eneko Atxa beste behin ere umeen inguruan izan da Foccus azokan.
    Foccus aurkezpena
    Di-da Komunikakzioa diseinu taldeko Gorka Barruetabeñak aurkeztu du ekitaldia. Errazetak liburuaren proiektua aurkeztu, bere poza agertu eta eskerrak eman dizkie parte hartu duten guztiei: sukaldariak, umeak, argazkilariak, diseinugileak…
    Ondoan zuen Kalitatea fundazioko Amaya Luquin zuzendari izendatu berria ere, lehen jendaurreko hitzaldia eskaini du Eusko Labeleko arduradunak.
    Ostean Andoni Lupiañez eta Eneko Atxa liburuaren egileak mintzatu dira. Sukaldearen garrantzia, jatearen kultura, produktuen aniztasuna, liburuaren xehetasunak… denak mimoz eta argi azaldu ditu durangarrak.

    Azkenik Eneko Atxa sukaldariak, etorkizun handiko lan bat egin dutela nabarmendu du, izan be umeentzako sukaldaritza arlo estrategikoa izango baita.
    Kazetari eta gastronomia munduko jendearen aurreko aurkezpena amaitzeko, bertoko produktuekin osatutako jakiak banatu dituzte bertarakotuen artean.

    Posted in aurkezpena, di-da, errazetak | Tagged , , , , | Utzi zure iritzia

    Errazetak bideoan

    By di da on Urria 6, 2009

    Aspertuta zaudetela? Opari baten faltan? Ondo pasatzeko gogoz?

    Errazetak from didakomunikakzioa on Vimeo.

    Posted in aurkezpena, bideoa, di-da, errazetak | Tagged , , , | Utzi zure iritzia

    Errazetak: diseinua eta kalitatea

    By di da on Iraila 24, 2009

    Errazetak liburua

    Di Da komunikakzioa eta Kalitatea fundazioaren elkarlanez osatu dugu lan hau.
    Proiektu honetan garrantzitsuak dira gure produktuak, berton ekoiztu eta plazaratzen direnak, label berezi batekin etxeetara heltzen direnak.
Egitasmo honetan, garrantzia berezia eman diogu diseinuari ere.
    Ondo egiteari, txukun aurkezteari, azken finean erakargarria izan behar baitu gaur eguneko edozein produktuk. Etxerako modukoa.

 Asmo horretan, kalitatea eta diseinua uztartu ditugu.

    Eneko Atxaren maisutasuna, Andoni Lupiañezen trebetasunekin erraza izan dugu. Produktu onak genituen esku artean, maisu onek landuak. Eta aurkezpena biribila atera zaigu. Elkarlanaren emaitza. Diseinua eta Kalitatea. Hemengoa.

    Posted in di-da | Tagged , , , , | Utzi zure iritzia

    Twitter

    Posting tweet...